《老人與六合彩》
佢係一個獨自坐係大排檔度打躉嘅阿伯。最近八十七期六合彩過晒，佢仲係一個number都冇中過。頭四十期有個後生仔同佢一齊研究六合彩結果、六合彩派彩、六合彩膽拖、聰明投注，但過咗四十期連安慰獎都冇，後生仔個老母話：「你個friend而家衰到貼地，仲唔快啲返大灣區轉買福利彩票？」後生仔聽媽媽話即刻跳船，頭一期就中咗三個號。
阿伯每日收工返屋企樓下大排檔，後生仔見到佢又拎住果疊未填好嘅六合彩飛，心入面喊咗一千次。每日到大排檔收工，後生仔都走埋去幫佢收起疊飛、個本畫滿「江恩四方圖」嘅筆記簿、果疊「六合彩過往100期統計」、仲有果部裝咗「六合彩Plus」APP嘅二手iphone。阿伯部二手iphone用咗十年，部機個Mon仲有條裂痕，望落就好似一面「永遠冇中頭獎」嘅魔鏡咁。
阿伯D紋多到似老樹皮，佢兩邊面有好多褐斑，係長期研究六合彩結果、六合彩膽拖公式、六合彩統計造成嘅「後遺症」。佢對手多繭，係成日畫江恩矩陣圖、禁聰明組合計算機禁到咁樣。但佢對眼仲好藍，成日都話：「下期金多寶一定中！！！」
「阿伯！」後生仔喺大排檔門口叫佢。
「我又可以同你一齊買六合彩喇，我屋企人最近中咗福利彩票，而家屋企有d錢喇！！！」
「唔使。」阿伯話。
「你而家買大陸彩票咁幸運，你同佢哋一齊啦。」
「但你記唔記得，你之前87期冇中之後，之後三期連中咗3次三獎？」
「記得。」阿伯笑笑口咁講。「我知道你唔係冇信心先走嘅。」
「係我媽叫我走嘅，我係後生仔，唔聽話唔得。」
「我明白。」阿伯話。「媽寶男都係咁。」
「佢對你裝咗果個六合彩App冇信心。」
「係呀。」阿伯話。「但我哋有信心，你話係唔係？」
「係！」後生仔用力點頭。
「我請你飲枝啤酒，之後一齊返屋企揀number好唔好？」
「太好喇。」阿伯話。「買六合彩嘅人都係一家人。」
佢哋飲啤酒，飲到杯底見泡沫。阿伯望住杯底，心諗：「下期頭獎一定中。」後生仔望住佢，諗：「阿伯你個App咁勁，點解仲要手畫江恩圖呀？」阿伯笑笑口講：「後生仔，江恩矩陣圖係我嘅信仰，六合彩統計係我嘅命根，聰明組合係我嘅武器。六合彩Plus個App雖然有影飛對獎、有最抵買法、有18種選號方式，但阿伯呢世人已經習慣咗自己計。」
啤酒飲晒，大排檔要收檔。 佢哋兩個一齊返屋企。
一路上阿伯講：「下期金多寶一定中。」
後生仔講：「係呀……我地一定會中。」
到屋企，阿伯坐低，打開本薄，開始畫江恩圖。 後生仔坐喺旁邊，開返個六合彩Plus，影張飛對獎，又唔中。
後生仔望住阿伯，阿伯望住本薄，本薄對住阿伯。 時間過咗，六合彩結果過咗，派彩過咗，頭獎獎金又累積多啲。 佢哋兩個繼續坐，繼續等，繼續冇中。 買六合彩嘅都係一家人，一家人衰到貼地。
後生仔望住阿伯畫江恩圖，畫到半夜12點，終於忍唔住打喊露。
「阿伯……我哋聽日一齊去士丹利街馬會啦，好唔好？我真係好想陪你搏金多寶……」
阿伯停咗支筆，望住後生仔，對眼藍到似海。
「後生仔，你有你嘅路。」佢慢慢講，「你媽叫你返大灣區買福利彩票，你就去啦。你而家運氣咁好，跟我一齊，我怕連累你。」
後生仔眼濕濕：「買六合彩嘅都係一家人！」
阿伯笑笑，佢個笑容好似海浪退返去：「一家人就係要畀對方有運氣嘅機會。你去陪你媽，我自己去。」
後生仔想講嘢，但見阿伯對眼咁堅定，終於低頭：「……好啦，阿伯你自己小心。」
阿伯點點頭：「你都係，記得同你媽講，買福利彩票都要量力而為。」
後生仔走咗， 屋企靜晒。
阿伯一個人坐喺度，望住果疊未填好嘅六合彩飛，冷氣機風吹到D飛微微郁咗0.028mm，似係同佢講：「你又唔中喇！」
佢熄燈，瞓低。
瞓覺前佢同疊飛講：「聽日我自己出中環摶金多寶。」
果疊飛冇答佢，只係有幾張被冷氣吹到飛咗落地板。
佢瞓著，就夢返以前嘅事。
夢見佢未夠稱果陣就學人玩排九，買字花。
夢見馬會開第一期六合彩，佢排隊排到尖沙咀海旁。
夢見以前個老闆同佢一齊買，個老闆成日講「我哋係一家人，所以要共度時艱」，之後公司裁員裁咗佢，仲叫佢寫係「自願離職」。
夢見以前個女友同佢講「我哋一齊買六合彩一齊發達」，點知3期唔中之後佢女朋友就飛咗佢，去同個中咗頭獎嘅男人一齊。
朝早7點半，阿伯已經坐喺樓下屋村茶樓飲早茶。
佢叫咗籠叉燒包，但係叉燒包有曱甴，阿伯咬一口，曱甴彈入口。
佢心諗：「算啦！都係蛋白質姐。」
佢開住個六合彩Plus，用「聰明組合」計咗十幾組號碼，邊計邊同隔離個阿叔吹水：「今期金多寶8000萬！我陣間出中環最幸運投注站買飛，今次頭獎一定係我！」
阿叔笑笑：「阿伯你87期都冇中啦。」
阿伯：「87期冇中，就係第88期要中！！！」
阿叔：「……」
飲完茶，阿伯拎住疊飛，落去搭小巴去中環士丹利街。
上咗小巴，阿伯仍然好緊張咁拎住疊飛，點知小巴突然急煞，阿伯疊飛甩手，跌咗入隔離阿婆個袋入面。
婆婆以為係頭先係街邊收到嘅傳單，拎起疊飛望一望，話：「乜而家派傳單仲有免費六合彩飛送？」
阿伯解釋半日，婆婆先畀返疊飛佢，但已經摺咗兩褶。
然後，小巴半路死火，全車人要落車等轉車。
阿伯坐喺路邊，自言自語：「主啊，今日金多寶一定要中……一定中……」
等咗好耐，先有另一架車接佢地，阿伯上車就訓著咗，一訓就訓過龍唔知去咗邊。
結果小巴到總站，阿伯即刻衝落車，果疊飛跌咗落地，跌咗係路邊仲未乾既積水度！
阿伯即刻跪低執返d飛，撈到成手黑晒，疊飛濕晒，D揀咗2日嘅靚number 號碼污糟到睇唔清。
阿伯呢個時侯已經餓到腳軟，佢唯有是但搵間茶餐廳坐底，拎出佢剩返未填嘅飛，靠佢僅存既小小記憶再填返佢。
阿伯：「伙記唔該，乾炒牛河，凍啡走甜，唔該快D呀，趕時間呀！」
茶餐廳伙記：「得得得，幫緊你幫緊你。」
阿伯：「有未呀？等咗好耐喇！」
茶餐廳伙記：「黎緊黎緊，即到即到。」放低碟乾炒牛河。
阿伯：「喂！伙記，D牛肉咁生嘅？」
阿伯：「有未呀？等咗好耐喇！」
茶餐廳伙記：「黎緊黎緊，即到即到。」放低碟乾炒牛河。
阿伯：「喂！伙記，D牛肉咁生嘅？」
茶餐廳伙記：「你話要快架嘛！生咩呀生？生瘡定生癬呀？」
結果阿伯無食，埋單走人，但係實在太肚餓，連行去馬會都無力，佢唯有去附近七仔打算買個飯糰頂住先。
係七仔拎咗飯糰排隊比錢，點知前面個麻甩佬買咗288包唔同牌子嘅煙＋108罐啤酒，收銀機lag機，等咗半個鐘先比到錢。
那邊廂，後生仔已經同佢老母買完福利彩票，
心入面開始有小小擔心阿伯︰「阿伯今朝咁早出去，應該一早返咗黎，點解仲未見佢返黎嘅？」
終於到馬會，已經晚上8點45分（距離截飛仲有半個鐘）
阿伯即刻繼續填埋剩低嘅number，填填下手抽筋（畫江恩圖後遺症），填飛填錯咗兩個號，又再拎飛再填過，如此一來又耽誤咗10分鐘。
填完飛即刻狗衝去排隊！
阿伯排到第50個，後面又突然間有一批鄉音大媽插隊：「我趕高鐵呀！！！」
阿伯非常無奈，但係又唔想同d鄉音大媽嘈，費時d大媽突然鬼上身沒完沒了，唯有讓一讓，心諗︰「都係讓幾個位姐，有佢啦…」
仲有10個…8個…5個…
就快排到阿伯嘅時侯，前面果班鄉音大媽同櫃枱職員擾攘咗差唔多10分鐘！
距離截飛已經進入倒數！
